ग्रामपंचायत जाधववाडी

जाधववाडी हे गाव पंढरपूर पासून 21 किलोमीटर अंतरावर असुन येथे श्री विठ्ठल रुक्मिणी व मारुती मंदिर देवस्थान वसले आहे.या गावाच्या पंचक्रोशीत बार्डी करकंब भोसे पांढरेवाडी मेंढापूर ही गावे असून या गावातील भाविकांनी विठ्ठल रुक्मिणी मंदिर व मारुती मंदिर देवस्थानाचे दर्शन घेतल्याखेरीज कोणतेही काम सुरु करत नाहीत. श्री क्षेत्र विठ्ठल रुक्मिणी व मारुती मंदिर देवस्थान हे फार वर्षापासून जाधवाडी गावामध्ये अस्तित्वात आहे.सदर देवस्थान हे जागृत असून नवसाला पावणारे आहे.दरवर्षी चैत्र शुद्ध राम नवमीला यात्रेची सुरुवात होऊन नवव्या दिवशी यात्रा संपते. यावेळी मारुती मंदिर देवस्थानाची यात्रा भरते. पहिल्या दिवशी सप्ताह ला सुरुवात होऊन दररोज सकाळ संध्याकाळ महाप्रसाद वाटप होते दुसऱ्या दिवशी कीर्तन व राम कथा, चौथ्या दिवशी भागवत कथा,पाचव्या दिवशी सांस्कृतिक कार्यक्रम व भारुड,सहावा दिवस दिवशी गोड नैवेद्य, सातव्या दिवशी हरिपाठ,आठव्या दिवशी विविध स्पर्धेचे आयोजन नव्या दिवशी दिंडी प्रदक्षिणा पालखी मिरवणूक व यात्रेचे समारोह असतो. तसेच दर पंधरा दिवसाच्या व महिन्याच्या एकादशीला विठ्ठल रुक्मिणी मंदिरात कीर्तन प्रवचन असते.यावेळी सर्व भाविकांना महाप्रसाद दिला जातो जाधव वाडी पंचक्रोशीतील भक्त जणांचे देवावर खूप श्रद्धा आहे. सुमारे 100 वर्षांपूर्वी मंदिराची स्थापना झालेली आहे.